Sunayen Wasu Ɓangarorin Gari Da Turanci

Assalamu alaikum. Barkan mu da yau masu bibiyar wannan shafi na koyan Turanci. Barkan mu da sake kasancewa a wani sabon darasi wanda a cikin sa za mu kawo sunayen wasu ɓangarori da a ke cikin gari. Idan ka na so ka bayar da labarin wasu gurare da ke cikin gari da ka ziyarta, kuma ba ka san sunayen guraren da Turanci ba, ga jerin sunayen a ƙasa.

Akwai wasu darusa na koyan Turanci da yawa a shafin nan kamar darasin yadda ake rubuta sunayen ƙasashen duniya da sauransu. Kafin mu kawo sunayen waɗannan guraren, ga misalin yadda ake amfani da su a cikin jimla.

Misali:

1. The people visited the museum. (Mutanen sun ziyarci gidan kayan tarihin)
2. The children want to go to the zoo on holiday. (Yaran su na son zuwa hutu gidan namun dajin)
3. She goes to the supermarket on weekends. (Ta kan je sufamaket a ƙarshen mako)
4. He shops for clothes in the boutique. (Ya kan siyo kayan sawa a kantin siyar da kayan sawa na zamani)
5. I will go to the laundry. (Zan je wajen wankin kaya)

1. Airport - tashar jirgin sama
2. Apartment - gida, masauƙi
3. Bakery - magasa
4. Bank - banki
5. Barn - gidan gona
6. Barrack - barikin sojoji
7. Beach - bakin teku
8. Boutique - shagon siyar da kayan sawa na zamani
9. Bureau - ofishi, babban ofishi
10. Bus station - tashar bas
11. Cafe - shago ko kantin gahawa
12. Church - coci, mujami'a
13. Cinema - gidan silima, gidan fim
14. Clinic - ƙaramin wajen kula da marasa lafiya
15. College - kwaleji
16. Company - kamfani
17. Court - kotu
18. Club - kulob, gidan rawa, dandamalin wasa
19. Factory - masana'anta, kamfani
20. Farm - gona
21. Filing station - gidan mai
22. Forest - jeji, daji
23. Garage - gareji
24. Grave - ƙabari, kabari
25. Graveyard - maƙabarta
26. Grocery - shagon siyar da kayan abinci kamar sukari
27. Hospital - asibiti
28. Hotel - otal, hotal
29. House - gida
30. Jungle - daji, ƙungurmin daji
31. Laboratory - ɗakin gwaje-gwaje da binciken kimiyya
32. Laundry - wajen wanke kaya
33. Library - ɗakin karatu
34. Mall - babban kantin siyayya
35. Market - kasuwa
36. Metro - tashar jirgin ƙarƙashin ƙasa
37. Mill - wajen da ake niƙa alkama, masara, gero da sauransu
38. Mosque - masallaci
39. Motor park - tashar mota
40. Museum - gidan kayan tarihi
41. Office - ofis, ofishi
42. Park - lambun hutu
43. Pharmacy - wajen bayar da magani
44. Police station - ofishin 'yan sanda
45. Post office - ofishin akwatin gidan waya
46. Power station - gidan nefa
47. Prison - gidan yari, gidan kaso, gidan jarin
48. Radio station - tashar rediyo
49. Railway - tashar jirgin ƙasa
50. River - kogi
51. School - makaranta
52. Station - tasha
53. Shop - shago
54. Stadium - filin wasan guje-guje da tsalle-tsalle
55. Street - anguwa, santa, layi, titi
56. Supermarket - sufamaket, babban kantin siyayya
57. Temple - mujami'a, ɗakin bauta
58. Traffic light - fitilar bada hannu
59. University - jami'a
60. Workshop - wajen aiki, shagon aiki
61. Zoo - gidan namun daji

Wannan shi ne bayanin yadda ake amfani da waɗannan kalmomin da kuma yadda ake aiki da su. Da fatan a na amfanuwa da darusan da a ke karantawa a shafin nan. Kada a manta a ci gaba da kasancewa da shafin na koyan Turanci a harshen Hausa. Sannan kuma, idan ba ku yi subscribe na channel ɗin mu ba, ku yi ƙoƙari, ku je YouTube, ku binciko Arewapot, ku yi subscribe ɗin ta. Domin yin hakan shi zai ba ku damar samun saƙwannin imel a duk lokacin da mu ka yi sabon darasi.